您好,欢迎访问〈好游〉富国岛攻略 Phu Quoc!
更多
当前位置:首页 > 国际 > >

〈好游〉富国岛攻略 Phu Quoc

编辑:本站发布时间:2019-07-19 14:50:28 点击:66

〈好游〉富国岛攻略 Phu Quoc 〈好游〉富国岛攻略 Phu Quoc 〈好游〉富国岛攻略 Phu Quoc 2019年7月8日 14:00 Travelpop

【Travelpop】富国岛係越南西南边对开既海域,约有五九十平方公里,係越南境内最大既岛。越南政府近年大力发展富国岛既旅游业,为佢打造成星级度假胜地,所以富国岛有唔少良好配套既酒店同游乐设施,大家亦可以尽情享受阳光与海滩。


富国岛全年维持係22-30度之间,气候怡人,为度假好去处。不过要留意富国岛既雨季同旱季分明,每年十一月至翌年四月既降雨量较少,较适合旅行。


越南政府为左吸引多d游客去富国岛,所以实施左短期逗留免签证优惠。如果持香港特区护照、係香港直飞富国岛,唔停胡志明或河内等地方,就可获三十日免签证优惠啦。


越捷航空 (Vietjet Air) 有直航来往香港同富国岛,飞行时间约2小时45分,而家逢一、三、五、日有航班。


越捷航空(直航)去程係香港晏昼出发,大概夜晚到富国岛;而回程即係早上起飞;所以建议大家最少去4日3夜。我地今次就去左6日5夜,不过都係轻鬆玩沙滩同浮潜,冇去到主题乐园,所以我地会主力介绍沙滩~哈哈


1.Sao Beach 牛奶沙滩

地区:富国岛既南面
特点:水清沙细、椰林树影、双人韆鞦
设施:收费停车场、收费沙滩椅加伞(VND150K/椅)、收费单人及双人韆鞦(VND20K/人)、收费水上活动、收费区有厕所、淋浴设施、餐厅、饮品亭


Sao Beach位于富国岛既南面,水清沙细、滩床宽阔且波平浪静,係富国岛最靓既海滩之一。Sao Beach仲有个花名叫牛奶沙滩,可能因为佢既沙呈乳白色,又幼细;大家可以赤脚係沙滩上行走,感受一下沙粒既柔软。此外,海水既成份有别于其他海滩,游完水都唔会觉得黐纳纳,反而有浸完牛奶浴既感觉!!


Sao Beach亦有好多水上活动供大家选择,如充气水上乐园、香蕉船、独木舟等。而Jowy就选择左悠闲咁瞓係沙滩椅上,听着海浪声,享受日光浴。Sao Beac仲有椰树、韆鞦,大家可以打卡照靓相。如果觉得肚饿,係泳滩就有餐厅啦,十分方便。


由于乾净既Sao Beach有专人管理,所以全部设施都要收费。停车场既收费可抵换其他消费品嫁,我地就租左沙滩椅,可以好好睡下。


行远d会见到一个冇人管理既位置,不过沙比较黑,地上有垃圾同蚊比较多,不太建议前往。


2. Starfish Beach
?
海星沙滩
地区:富国岛既北面?
特点:海星、长木桥?
设施:免费停车场、收费沙滩椅加伞(VND50K/椅)、餐厅、饮品亭


Starfish Beach因满地红海星 (学名叫Protoreaster nodosus) 而出名,海星向上突出既黑尖係用黎吓走掠食者,不过唔会造成真正既伤害。


Starfish Beach的设备比较原始,没有更衣室,想落水影相既朋友记得着定泳衣啦~Starfish Beach既海水係泥黄色,夹杂住少少垃圾,所以小编当日都唔见有人游水;大家都係沿着沙洲行去寻觅海星咋。


3. Long Beach 长滩 - Sunset Sanato Beach 日落海滩

地区:富国岛既西南面,邻近机场
特点:艺术作品
设施:免费停车场(要收入场费VND70K/人)、收费沙滩椅加伞(VND100K/椅)、酒吧、餐厅、厕所、户外淋浴设施


长滩真係十分长,沿着富国岛的西南海岸延伸大约20公里,等于由大埔去到旺角咁远。 长滩既北端係富国岛大多数旅游业既所在地:数十间酒店,度假村,餐厅,咖啡馆同酒吧一路开向通往阳东镇既道路。 据说长滩係十月到四月都係波平如镜,不过小编5月去既果几日就好大风大浪,不能游水。


长滩最独特的部分位于Sunset Sanato Beach Club酒店,简称日落海滩,拥有超乎想像既艺术作品,亦係每年元旦举行海洋音乐节Phu Quoc - Epizode既地点。


「大海上的流浪大象」应该受艺术家达利作品「太空象」启发而成。我地现实认知中既大象係十分笨重,但却配上了细长既脚,轻盈漫步。呢种冲突、矛盾既元素相互结合,真係超乎现实,令人不禁驻足欣赏。


我地最推荐富国岛既活动就係跳岛浮潜,因为外岛较少污染、水比较清,可以见到唔少色彩丰富既珊瑚、仲可以同鱼黎个亲密的接触。今次参加左【富国岛:3岛全日浮潜之旅】,真係超级抵!!


只需港币$256,就可以由朝早9点玩到晏昼5点、去3个小岛、包南部酒店接驳同埋午餐,仲要冇强迫性购物点,真係物超所值。


富国岛暂时冇完善既公共交通网络,亦没 Uber 或者 Grab。大家可以参加当地/ PixsoulHK tour、搭的士、电车单、包车或自驾。


我地今次係自驾,富国岛主要既道路都係平坦石屎路,小街小巷会有烂路、泥路;而去Starfish Beach既路亦会比较崎岖。 係富国岛租车既手续相当儿戏,只係相约于机场检查下车、影底护照、俾现金,咁就交收完成啦~连收据都冇张,保险就更加冇啦。大家想租既话就自行评估风险啦。


富国岛地方虽小,不过都有齐越南既美食,而且好味又抵,想知富国岛有咩好野食?快d睇下【富国岛美食篇】

 

    本文由http://www.plainwhitetsfans.com/guoji/801.html原创,转载请备注出处谢谢配合!

    下一篇:套着游泳圈的APEACH!Kakao Friends推出夏季新款充电线保护套上一篇:Kim Kardashian 塑身内衣品牌遭京都市长谴责,或要重新命名注册商标?